बाक्लो हुस्सु र कुहिरोका कारण बस र ट्रक एक आपसमा ठोक्किँदा दुर्घटना, १ को मृत्यु

News

नेपालगन्ज / आज बिहान अन्दाजी ७:३० बजेको समयमा नेपालगन्जबाट जाजरकोट तर्फ गईरहेको भे१ख ४०३३ नम्बरको यात्रुबाहक मिनि बस र ना५ख ८५६६ नम्बरको ट्रक हवल्दारपुर नजिक एक आपसमा ठोक्किएर दुर्घटना हुँदा १ जनाको मृत्यु भएको छ ।

बाक्लो हुस्सु, कुहिरो र चिसोका कारण बाटो काट्न लागेको ट्रक र मिनि बस आपसमा ठोक्किँदा ट्रक धनी रुपन्देहीको देवदह नगरपालिका वडा नं. ६ खैरेनीका ३५ वर्षीय रामकृष्ण गोतामेको उपचारका क्रममा कोहलपुर स्थित मेडिकल कलेजमा मृत्यु भएको हो ।

बसमा सवार सानोभेरी नगरपालिका घर भएका लोकेन्द्र बिक र निजकी श्रीमती रामकला बिक लगायत अन्य ६ जना भन्दा बढी घाइते भएका छन । दुर्घटनामा घाइते हुने दुई जनाको कोहलपुर मेडिकल कलेजमा उपचार भैरहेको बताइएको छ ।

Leave a Reply

Your email address will not be published. Required fields are marked *