बुधबार साँझ घरबाटै हराएका ५ वर्षीय बालक नहरमा मृत भेटिए

by

in

मोरङ- मोरङको बेलबारी नगरपालिकामा बुधबार साँझदेखि हराइरहेका एकजना ५ वर्षीय बालक नहरमा डुबेर मृत अवस्थामा भेटिएका छन् ।

बुधबार बेलुका ५ बजेदेखि बेलबारी नगरपालिका-५ स्थित घरबाटै हराएका ५ वर्षीय बालक विवश वनको शव स्थानीय नहरमा बिहीबार भेटिएको हो ।

उनको शव घरबाट करिब ४ किलोमिटर दक्षिणपूर्वस्थित नहरमा डुबेको अवस्था भेटिएको प्रहरीले जनाएको छ । बालकको शव अहिले पोस्टमार्टमका लागि अस्पताल पठाइएको छ ।